Morte a 33 giri_St355n.sxSced
Miranduléś|
C'l artìcul chè 'l è scrit in
Miranduléś |
 Trick or Treat
| ||
| Morte a 33 giri | ||
 Marc Price e Gene Simmons in na figùra dal film | ||
| Mòrt a 33 gir 1986 | ||
|---|---|---|
| Regia: Charles Martin Smith | ||
| Scritùr: Michael S. Murphey • Joel Soisson | ||
| Atùr: Marc Price • Gene Simmons • Tony Fields Lisa Orgolini • Ozzy Osbourne • Doug Savant Glen Morgan • Elise Richards • Clare Torao | ||
| Müsica: Christopher Young | ||
| Lengua: Ingléś | ||
| Dürä dal film: 98 minüt | ||
| Nasiòṅ: Stat Unî | ||
Morte a 33 giri (Mòrt a 33 gir) 'l è 'n film ad scarésa prudót par Dino De Laurentiis e girâ in dal 1986 par Charles Martin Smith.
In dal film i rècitan dū pès da nuànta dal rock dûr mundiàł: Ozzy Osbourne in dla part 'd un predicadōr televiśiṿ ch'al fà la muràl a i śōvan e Gene Simmons, basìsta di Kiss, ch'al fà al persunàǵ dal dj Nuke.
Sunt
Eddie Weinbauer (Marc Price), ch'al s pòrta a drē al scutmàj ad "Ragman", 'l è 'n śuvnòt ch'a gh piàś dimóndi la mùśica heavy metal. In dla sò cambra da lèt al gh'à i poster di sò grup favurî: Anthrax, Mötley Crüe, Ozzy Osbourne, Judas Priest e al scandalóś Sammi Curr (Tony Fields), un cantànt ch'al ciàpa còntar da tut i bigòt, cuma al predicadōr Aaron Gilstrom (Ozzy Osbourne), par la sò manéra ad cumpurtàr-as a l'arvèrsa e p'r al fat ad spìnśar i śóvan fóra da la strada bòna.
A scóla la vita par lò l'è dimóndi dura par via dla mùśica ch'al scólta e par la sò manéra ad vistìr-as, difarènt da chi àtar. Al vèṅ mis cuntinuamènt da na banda e al patìs di schèrs catìṿ, specialmènt da part 'd un grup a bui cun a cap Tim Hainey (Doug Savant). Al pōl cuntàr su 'n amìg sōl, Roger Mockus (Glen Morgan), e da na ragasōla ch'la gh dà al sò apòǵ, la Leslie Graham (Lisa Orgolini), e ch'la 'l difénd.
Al ròbi i vaṅ pèś par Eddie quànd al vèṅ a savér ch'al sò ìdul Curr 'l à catâ la mòrt in 'n inséndi ch'l à culpî 'l hotel in du al stava. Un dè un sò amìg dj, Nuke (Gene Simmons), al gh dà 'l ùltim disc inèdit ad Curr, ch'à gh'è sōl cla còpia lè a 'l mónd. Turnâ a cà, Eddie al s durménsa scultànd-'l a lèt e al s al sógna, vdénd la sò mòrt. Quànd pò al s déśda, al próa a sunàr al disc a 'l cuntràri e acsè al sènt ch'al sò cantànt favurî al gh dascór da 'l da 'd là, dand-ag di cunsìli par vindicàr-as dal grup 'd Hainey.
Cun al pasàr dal tèmp però i rapòrt fra i dū i s frùstan parchè al muśicìsta al vrév al mâl anc dla Leslie ma Eddie 'l è cuntràri. Alóra Curr al decìd da par lò ad turnàr in cal mónd chè par cupàr dla gint a 'l pòst dal sò fan ch'al s éra tirâ indrē.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV